ទីស្ដីការក្រសួងមហាផ្ទៃ៖ នៅរសៀលថ្ងៃចន្ទ ១១កើត ខែមិគសិរ ឆ្នាំម្សាញ់ សប្ដស័ក ព.ស. ២៥៦៩ ត្រូវនឹងថ្ងៃទី១ ខែធ្នូ ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក ព្រមទាំងថ្នាក់ដឹកនាំ នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីផ្សព្វផ្សាយការដាក់ឱ្យអនុវត្តផែនការយុទ្ធសាស្រ្ត ស្ដីពីការគ្រប់គ្រង និងអភិវឌ្ឍន៍ធនធានមនុស្សរយៈពេល ៥ឆ្នាំ (២០២៦-២០៣០) របស់ក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ។

ក្នុងពិធីនេះ ក៏មានការអញ្ជើញចូលរួមពី ឯកឧត្តម សន្ដិបណ្ឌិត រដ្ឋលេខាធិការ ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្ដម លោកជំទាវ អគ្គនាយក អគ្គស្នងការរង អគ្គនាយករង ព្រមទាំងឯកឧត្តម លោក លោកស្រី អភិបាល អភិរងរាជធានី-ខេត្ត និងលោក លោកស្រីប្រធាន អនុប្រធាននាយកដ្ឋាន អស់លោក លោកស្រីដែលជាក្រុមការងារពាក់ព័ន្ធចំណុះក្រសួងមហាផ្ទៃ ជាច្រើនរូបទៀត។