ខេត្តសៀមរាម៖ នៅថ្ងៃអង្គារ ៧រោច ខែកត្តិក ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១៥ ខែវិច្ឆិកា ឆ្នាំ២០២២ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំសម្របសម្រួលពិគ្រោះយោបល់ ស្ដីពី ជនចំណាកស្រុកដែលជួបប្រទះបញ្ហា និងត្រូវការវិធានការឆ្លើយតបនានា និងតម្រូវការជំនួយសង្គមពីរដ្ឋាភិបាល និងអង្គការមិនមែនរដ្ឋាភិបាល ក្រោមអធិបតីភាព ឯកឧត្តម ឈួរ សុបញ្ញា ប្រតិភូរាជរដ្ឋាភិបាលទទួលបន្ទុក ជាអគ្គនាយក នៃមូលនិធិជាតិជំនួយសង្គម ដែលប្រារព្ធធ្វើឡើងនៅសណ្ឋាគារ អ៊ីមព្រីសអង្គរ ខេត្តសៀមរាប។

ឯកឧត្តម ប្រតិភូរាជរដ្ឋាភិបាលទទួលបន្ទុក ជាអគ្គនាយក នៃមូលនិធិជាតិជំនួយសង្គម បានធ្វើបទបង្ហាញ អំពីប័ណ្ណក្រីក្រ ស្រ្តីមានផ្ទៃពោះ និងកុមារក្រោមពីឆ្នាំ

លោក ញឹម សំអល អនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្ម បានធ្វើបទបង្ហាញ អំពីការធ្វើសំបុត្រកំណើត ធ្វើអត្តសញ្ញាណប័ណ្ណសញ្ជាតិខ្មែរ និងធ្វើលិខិតឆ្លងដែន សម្រាប់ពលករចំណាកស្រុក។

ដោយមានការអញ្ជើញចូលរួមពី ឯកឧត្តម អភិបាលរងខេត្តសៀមរាប អភិបាលរងខេត្តបន្ទាយមានជ័យ ឯកឧត្តម លោកជំទាវ លោក លោកស្រី តំណាង នាយកដ្ឋាននានាចំណុះក្រសួង ស្ថាប័ន អង្គភាព ពាក់ព័ន្ធ និងតំណាងអង្គការក្រៅរដ្ឋាភិបាលជាច្រើនរូបទៀត សរុបចំនួន ៤០នាក់៕