រាជធានីភ្នំពេញ៖ នៅថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីសិក្ខាសាលាពិគ្រោះយោបល់ ស្ដីពីការវិភាគអនុសាសន៍គោលនយោបាយសង្ខេមទាក់ទងយេនឌ័រ និងសុខភាព ក្រោមអធិបតីភាព លោកជំទាវ ច័ន្ទ សូរីយ៍ រដ្ឋលេខាធិការ ក្រសួងកិច្ចការនារី។

ពិធីនេះបានប្រព្រឹត្តទៅរយៈពេល ១ថ្ងៃ នៅសណ្ឋាគារភ្នំពេញ រាជធានីភ្នំពេញ។ ក្នុងនេះដែល ក៏មានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី តំណាងអគ្គនាយកដ្ឋាននានាចំណុះក្រសួងមហាផ្ទៃ និងក្រសួង ស្ថាប័ន អង្គការក្នុងនិងក្រៅរដ្ឋាភិបាល ព្រមទាំងមន្រ្តីជំនាញពាក់ព័ន្ធផងដែរ សរុប ៨០នាក់៕