ខេត្តព្រៃវែង៖ នៅថ្ងៃព្រហស្បតិ៍​ ៤កើត ខែកត្តិក ឆ្នាំកុរ ឯកស័ក ព.ស. ២៥៦៣ ត្រូវនឹង ថ្ងៃទី៣១ ខែតុលា ឆ្នាំ២០១៩ ឯកឧត្ដម ឧត្ដមសេនីយ៍ឯក សុខ ឃន អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារថ្នាក់ជាតិចុះមូលដ្ឋានឃុំព្រៃទឹង ស្រុកស៊ីធរកណ្តាល ខេត្តព្រៃវែង បានអញ្ជើញជាអធិបតីភាពក្នុងវេទិកាសាធារណៈ របស់ក្រុមការងារថ្នាក់ជាតិចុះមូលដ្ឋាន និងគាំទ្រការអនុវត្តកម្មពិធីនយោបាយ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាបាលកម្ពុជា នៅភូមិបឹងជ័រ និងភូមិឈើទាលទៀត ឃុំព្រៃទឹង ស្រុកស៊ីធរកណ្តាល ខេត្តព្រៃវែង។ ក្នុងពិធីបើកវេទិកាសាធារណៈនោះផងដែរមានប្រជាពលរដ្ឋអញ្ជើញចូលរួមក្នុងភូមិបឹងជ័រ មានចំនួនសរុប១១០នាក់ ស្ត្រី៤៤នាក់ និងប្រជាពលរដ្ឋក្នុងភូមិឈើទាលទៀត មានចំនួន១០១នាក់ ស្ត្រី៦៨នាក់។