សាលប្រជុំនាយកដ្ឋានស្ថិតិប្រជាពលរដ្ឋ៖ នៅព្រឹកថ្ងៃអង្គារ ៦កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៩ ខែវិច្ឆិកា ឆ្នាំ២០២២ លោកឧត្តមសេនីយ៍ទោ សុគន្ធ វិសិដ្ឋ ប្រធាននាយកដ្ឋានស្ថិតិប្រជាពលរដ្ឋ បានដឹកនាំកិច្ចប្រជុំដើម្បីរៀបចំពិធីបើកវគ្គបំប៉នសមត្ថភាពលើជំនាញ ស្តីពី ការចុះបញ្ជីគ្រប់គ្រងការស្នាក់នៅ ជូនដល់មន្ត្រីបម្រើការងារនៅក្នុងនាយកដ្ឋានស្ថិតិប្រជាពលរដ្ឋ។

វគ្គបំប៉ននេះមានរយៈពេល០៥ថ្ងៃ ចាប់ពីថ្ងៃទី២៨ ខែវិច្ឆិកា ដល់ថ្ងៃទី០២ ខែធ្នូ ឆ្នាំ២០២២ ដោយមានការអញ្ជើញចូលរួមធ្វើបទបង្ហាញពីថ្នាក់ដឹកនាំនាយកដ្ឋាន ដែលជាគ្រូបង្គោលចំនួន០៦រូប និងសិក្ខាកាមចូលរួមតាមបណ្តាការិយាល័យជំនាញចំណុះនាយកដ្ឋាន សរុបចំនួន២១រូប ស្រីចំនួន០៥រូបផងដែរ៕