អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃអង្គារ ៣កើត ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៦ ខែសីហា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យរបាយការណ៍វាយតម្លៃការអនុវត្តសាកល្បងយុទ្ធសាស្រ្តប្រាស្រ័យទាក់ទងដើម្បីផ្លាស់ប្ដូរឥរិយាបថ និងទម្លាប់ប្រជាពលរដ្ឋ លើការចុះបញ្ជីកំណើត (SBCC) ដោយមានការអញ្ជើញចូលរួមពីតំណាងអង្គការ Vital Strategies, Rain Barrel Labs, UNFPA, និង CPDD ដើម្បីរួមគ្នាលើកកម្ពស់ការចុះបញ្ជីកំណើត និងជំរុញការងារអត្រានុកូលដ្ឋាន។

ក្នុងកិច្ចប្រជុំនេះ ក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន លោក លោកស្រីអនុប្រធាននាយកដ្ឋាន ព្រមទាំងលោកនាយ/ប្រធានការិយាល័យ តំណាងអង្គការពាក់ព័ន្ធ និងក្រុមការងារជំនាញចំណុះនាយកដ្ឋានផងដែរ។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website http://www.gdi.gov.kh/

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915