អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃសុក្រ ៩កើត ខែមិគសិរ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០២ ខែធ្នូ ឆ្នាំ២០២២ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពង្រឹងពិនិត្យពិភាក្សាអំពីវឌ្ឍនភាព នៃការងារដោះស្រាយបញ្ហា ប្រឈមរបស់ប្រជាពលរដ្ឋនាពេលកន្លងមក។ កិច្ចប្រជុំនេះមានការអញ្ជើញចូលរួមពី លោកអនុប្រធាននាយកដ្ឋាន លោកនាយការិយាល័យផ្សព្វផ្សាយអប់រំ និងលោកនាយការិយាល័យស្រាវជ្រាវព័ត៌មាន ព្រមទាំងសមាជិក សមាជិកាក្រុមការងារប្រចាំការសេវាកម្មអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម៕