អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃព្រហស្បតិ៍ ១៤កើត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹង​ថ្ងៃ​ទី០៥ ខែមករា ឆ្នាំ២០២៣ ឯកឧត្តម ឧត្តមសេនីយ៍ទោ អ៊ុក​ចាយ បញ្ញារ៉ា អគ្គនាយករង និងជាប្រធាន​ក្រុមការ​ងារ​គាំ​ទ្រយ​ន្ត​ការច្រកចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់ បានដឹកនាំកិច្ចប្រជុំបូកសរុបលទ្ធផលការងារ បញ្ហា​ប្រ​ឈម និងលើកទិសដៅបន្ត របស់ក្រុមការ​ងារគាំ​ទ្រយន្ត​ការ​ច្រក​ចេញតែមួយសេវាអត្តសញ្ញាណកម្មនៅថ្នាក់ឃុំ សង្កាត់។ ក្នុងកិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយ​ករង និងជាប្រធាននាយកដ្ឋានអត្រានុកូលដ្ឋាន លោក​ឧត្តមសេនីយ៍ឯក ប្រធាននាយកដ្ឋាន​អត្តសញ្ញាណ​ប័ណ្ណ​សញ្ជាតិខ្មែរ លោកឧត្តមសេនីយ៍ទោ ប្រធាននាយក​ដ្ឋាន​គ្រប់​គ្រងប្រព័ន្ធព័ត៌មានវិទ្យា និងជាអនុប្រធានអ​ចិន្ត្រៃយ៍​ក្រុម​ការងារ ព្រមទាំងលោក លោកស្រីអនុប្រធាននាយកដ្ឋាន លោក លោកស្រី នាយ នាយរងការិយាល័យ ចំណុះ​នាយកដ្ឋាន​ដែលពាក់ព័ន្ធ នៃអគ្គនាយក​ដ្ឋានអត្ត​សញ្ញាណ​កម្ម និងសមាជិក សមាជិកា របស់ក្រុមការងារផងដែរ៕