រាជធានីភ្នំពេញ៖នៅរសៀលថ្ងៃសុក្រ ១២កើត ខែកត្តិក ឆ្នាំកុរ ឯកស័ក ព.ស ២៥៦៣ ត្រូវនឹង ថ្ងៃទី៨ ខែវិច្ឆិកា ឆ្នាំ២០១៩ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម រួមជាមួយថ្នាក់ដឹកនាំក្រសួងមហាផ្ទៃ បានអញ្ជើញដាក់កម្រងផ្កានៅវិមានឯករាជ្យ និងស្តូបគោរពវិញ្ញាណក្ខន្ធអតីតព្រះមហាវីរៈក្សត្រ ដើម្បីសម្ដែងនូវការគោរព និងឧទ្ទិសថ្វាយ ព្រះករុណា ព្រះបាទសម្ដេច ព្រះនរោត្តមសីហនុ ព្រះបរមរតនកោដ្ឋ ព្រះបិតាឯករាជ្យជាតិ បូរណភាពទឹកដី និងឯកភាពជាតិខ្មែរ ដែលព្រះអង្គបានដឹកនាំ ការទាមទារឯករាជ្យជូនជាតិ ពីអាណានិគមនិយមបារាំង ព្រមទាំងវីរជនស្នេហាជាតិ ដែលបានធ្វើពលិកម្មបូជា សាច់ស្រស់ឈាមស្រស់ និងបញ្ញាញាណ ក្នុងបុព្វហេតុទាមទារ ដណ្ដើមបានឯករាជ្យទាំងស្រុង ពីអាណានិគមនិយមបារាំង នៅថ្ងៃទី៩ ខែវិច្ឆិកា ឆ្នាំ១៩៥៣។