អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ៥រោច ខែទុតិយាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៩ ខែកក្កដា ឆ្នាំ២០២១ ឯកឧត្តម ឧត្តមសេនីយ៍ឯក តុប នេត អគ្គនាយករង និងជាប្រធានក្រុមការងារបច្ចេកទេស ដើម្បីពិភាក្សាលើការងារកសាងមជ្ឈមណ្ឌលគ្រប់គ្រងទិន្នន័យ និងអគាររដ្ឋបាលរបស់អគ្គនាយកដ្ឋានអត្តសញ្ញាណកម្ម តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពក្នុងកិច្ចប្រជុំពិភាក្សាជាមួយលោក ឧត្តមសេនីយ៍ឯក ប៊ិន មណីរដ្ឋ ប្រធាននាយកដ្ឋានស្ថាបនា និងវិស្វកម្ម តំណាងឯកឧត្តម នាយឧត្តមសេនីយ៍ សេង យូអ៊ាន់ អគ្គនាយកភស្តុភារ និងហិរញ្ញវត្ថុ លើការងារកសាងមជ្ឈមណ្ឌលគ្រប់គ្រងទិន្នន័យ និងអគាររដ្ឋបាលរបស់អគ្គនាយកដ្ឋានអត្តសញ្ញាណកម្ម (តាមរយៈកម្មវិធី Zoom Meeting)។ កិច្ចប្រជុំនេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាន អនុប្រធាននាយកដ្ឋានចំណុះអគ្គនាយកដ្ឋានអត្តសញ្ញាណកម្ម ព្រមទាំងលោក លោកស្រី តំណាងអង្គភាពជំនាញចំណុះក្រសួងមហាផ្ទៃ៕