ទីស្តីការក្រសួងមហាផ្ទៃ៖ នៅព្រឹកថ្ងៃសុក្រ ៤រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១០ ខែមីនា ឆ្នាំ២០២៣ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គ​នាយក​ដ្ឋាន​អត្តសញ្ញាណកម្ម បាន​អញ្ជើញចូលរួមក្នុងកិច្ច​ប្រជុំអំពីការ​ត្រៀមលក្ខណៈ​សម្រាប់​​ដំណើរ​ទស្សនកិច្ច របស់គណៈប្រតិភូជាន់ខ្ពស់ក្រសួងមហាផ្ទៃ ចូលរួមកិច្ចប្រជុំពិនិត្យ​វាយតម្លៃ​លទ្ធ​ផលកិច្ច​សហ​ប្រតិ​បត្តិ​ការ​ឆ្នាំ២០២២ និងចុះហត្ថលេខាលើកំណត់ហេតុ ស្ដីពីកិច្ច​សហ​ប្រត្តិ​បត្តិការឆ្នាំ២០២៣ រវាងក្រសួងមហាផ្ទៃ និងក្រសួង​សន្តិ​សុខ​សាធារណៈឡាវ ក្រោម​អធិប​តី​ភាព ឯកឧត្តម សក់ សេដ្ឋា រដ្ឋលេខាធិការប្រចាំការ ក្រសួងមហាផ្ទៃ។

ក្នុងកិច្ចប្រជុំនេះផងដែរក៏មានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋ​លេខាធិការ ឯកឧត្តម អគ្គនាយក អគ្គនាយករង អគ្គស្នងការរង និងឯកឧត្តម លោកជំទាវ តំណាង ឯកឧត្តម អគ្គនាយក នៃអគ្គនាយក​ដ្ឋាន​ចំណុះ​ក្រសួង​មហាផ្ទៃ ព្រមទាំងអង្គ​ភាព​ជំនាញពាក់ព័ន្ធផងដែរផងដែរ៕