ខេត្តកណ្ដាល៖ នៅព្រឹកថ្ងៃអាទិត្យ ៦រោច ខែផល្គុន ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី១២ ខែមីនា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង តំណាង ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយក​ដ្ឋានអត្តសញ្ញាណកម្ម បានអញ្ជើញចូលរួមក្នុងពិធីបុណ្យផ្កា​ប្រាក់មហា​សាមគ្គី​កសាង​អគារ​សិក្សា នៃសាកលវិទ្យាល័យសម្ដេចព្រះមហាសង្ឃរាជ បួរ គ្រី ស្ថិតនៅភូមិរកាធំ ឃុំបែកចាន ស្រុកអង្គស្នួល ខេត្តកណ្ដាល ក្រោមអធិបតីភាពដ៏ខ្ពង់ខ្ពស់ សម្ដេចក្រឡាហោម ស ខេង ឧបនាយ​ករដ្ឋមន្ត្រី រដ្ឋមន្ត្រីក្រសួងមហាផ្ទៃ។

ក្នុងពិធីនេះដែរក៏មានការអញ្ជើញចូលរួមពីសំណាក់ ឯកឧត្តម រដ្ឋមន្រ្តីប្រតិ​ភូរអម​នាយ​ករ​ដ្ឋ​មន្រ្តី ឯកឧត្ដម លោកជំទាវ អ្នកតំណាងរាស្ត្រ ឯកឧត្ដមរដ្ឋលេខាធិការ អនុរដ្ខលេខាធិការ ឯកឧត្ដម អគ្គនាយក អគ្គលេខាធិការរង ឯកឧត្ដម អគ្គស្នងការរង ឯកឧត្ដម អគ្គនាយករង នៃក្រសួងមហាផ្ទៃ និងឯកឧត្ដម អភិបាលនៃគណៈអភិបាលខេត្ត ឯកឧត្ដម លោកជំទាវ ប្រធានសមាជិកក្រុមប្រឹក្សាខេត្ត ព្រមទាំងភ្ញៀវកិត្តិយសជាច្រើននាក់ទៀតផងដែរ៕