នៅព្រឹកថ្ងៃចន្ទ ១៣កើត ខែចេត្រ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី០៣ ខែមេសា ឆ្នាំ២០២៣ ឯកឧត្ដម ឧត្ដមសេនីយ៍ឯក តុប នេត អគ្គនាយករង តំណាង ឯកឧត្ដម នាយឧត្ដមសេនីយ៍ កង សុខន អគ្គនាយក នៃអគ្គនាយក​ដ្ឋាន​អត្តសញ្ញាណកម្ម បានអញ្ជើញចូលរួម​ក្នុងកិច្ចប្រជុំ​ពិភាក្សា​ទាក់​ទង​ និងសំណើកែសម្រួលទម្រង់ និងអក្ខរាវិរុទ្ធមួយចំនួន ចំពោះ​សេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិ​អត្រា​នុកូ​ល​ដ្ឋាន និងអត្តសញ្ញាណកម្ម ក្រោមអធិបតីភាព លោកជំទាវ ចាន់ សុទ្ធាវី រដ្ឋលេខាធិការប្រចាំការ ក្រសួងយុត្តិធម៌ និងជា​ប្រធាន​ក្រុមការងាររៀបចំតាក់តែងសេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម។

កិច្ចប្រជុំនេះផងដែរក៏មានការអញ្ជើញចូលរួមពី ឯកឧត្តម រដ្ឋលេខាធិការ អនុរដ្ឋលេខាធិការ ឯកឧត្តម អគ្គនាយករង លោកប្រធាននាយកដ្ឋាន ក្រសួងមហាផ្ទៃ និងសមាជិក សមាជិកាក្រុមការងារ អ្នកជំនាញ​ផ្នែកច្បាប់​របស់ក្រសួង​យុត្តិ​ធម៌ ព្រមទាំងមន្រ្តីពាក់ព័ន្ធជាច្រើនរូបផងដែរ៕