អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃពុធ ៤រោច ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី០៧ ខែមិថុនា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំអំពីវឌ្ឍនភាពការរៀបចំប្រព័ន្ធសម្រាប់សាកល្បង ការតភ្ជាប់ប្រព័ន្ធជូនដំណឹងអំពីព្រឹត្តិការណ៍កំណើតរស់ និងមរណភាពពីមូលដ្ឋានសុខាភិបាល មកប្រព័ន្ធចុះបញ្ជីអត្រានុកូលដ្ឋាន ផែនការសកម្មភាពសម្រាប់ការសាកល្បង និងទិសដៅការងារបន្ត។

ក្នុងកិច្ចប្រជុំនេះ មានការអញ្ជើញចូលរួមពីសំណាក់ ឯកឧត្តម លោក លោកស្រីប្រធាន អនុប្រធាននាយកដ្ឋាន និងមន្រ្តី ក្រុមការងារក្រសួងផែនការ និងក្រសួងសុខាភិបាល លោកឧត្តមសេនីយ៍ទោ ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា នៃអគ្គនាយកដ្ឋានអត្តសញ្ញាណកម្ម លោក លោកស្រីអនុប្រធាននាយកដ្ឋានអត្រានុកូលដ្ឋាន និងមន្ត្រីពាក់ព័ន្ធ នៃអគ្គនាយកដ្ឋានអត្តសញ្ញាណកម្ម និងតំណាងអង្គការ Vital strategies ប្រចាំតំបន់ប្រចាំកម្ពុជាផងដែរ៕