សាលប្រជុំសាលាខេត្តកំពង់ឆ្នាំង៖ នៅព្រឹកថ្ងៃពុធ ៤កើត ខែបឋមាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២១ ខែមិថុនា ឆ្នាំ២០២៣ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកិច្ចប្រជុំពិនិត្យមើលវឌ្ឍនភាព និងបញ្ហាប្រឈម នៃការរៀបចំ និងការដាក់ឱ្យដំណើការយន្ដការច្រកចេញចូលតែមួយ នៃរដ្ឋបាលឃុំ សង្កាត់ ក្រោមអធិបតីភាព ឯកឧត្តម ប្រាក់ សំអឿន អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ និងឯកឧត្តម ស៊ុន សុវណ្ណារិទ្ធិ អភិបាល នៃគណៈអភិបាលខេត្តកំពង់ឆ្នាំង។

ក្នុងកិច្ចប្រជុំនេះដែរ មានការអញ្ជើញចូលរួមពីសំណាក់ ឯកឧត្តម អគ្គនាយករង អគ្គលេខាធិការរង និងជាប្រធាននាយកដ្ឋាន ឯកឧត្តម អភិបាលរង នៃគណៈអភិបាលខេត្ត លោក លោកស្រី នាយ នាយរងរដ្ឋបាល ប្រធាន អនុប្រធាន អង្គភាពច្រកចេញចូលតែមួយ ប្រធាន អនុប្រធានទីចាត់ការធនធានមនុស្ស នៃរដ្ឋបាលរាជធានីខេត្តទាំង២៥ ផងដែរ៕