អគ្គនាយកដ្ឋានអត្តសញ្ញាណកម្ម៖ នាព្រឹកថ្ងៃអង្គារ ១០កើត ខែបឋមាសាឍ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២៧ ខែមិថុនា ឆ្នាំ២០២៣ ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជួបពិភាក្សាការងារជាមួយ គណៈប្រតិភូក្រសួងសន្តិសុខសាធារណៈ នៃសាធារណៈរដ្ឋប្រជាមានិតចិន ដឹកនាំដោយ ឯកឧត្ដម NIU Haifeng អគ្គនាយករង ទទួលការងារសហប្រតិបត្តិការអន្តរជាតិ នៅអគ្គនាយកដ្ឋានអត្តសញ្ញាណកម្ម។

កិច្ចពិភាក្សានេះក៏មានការអញ្ជើញចូលរួមពី ឯកឧត្តម អគ្គនាយករង លោកប្រធាននាយកដ្ឋាន ចំណុះអគ្គនាយកដ្ឋានអត្តសញ្ញាណកម្ម និងសហការី ក្រុមការងារស្ថានទូតចិន នៅរាជធានីភ្នំពេញផងដែរ៕