សាខាការិយាល័យលិខិតឆ្លងដែន៖ បន្តអនុវត្តតាមគោល ការណ៍ដឹកនាំរបស់ឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម ក្រុមការងារដឹកនាំដោយ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមការងារប្រអប់សំបុត្រ បានយកប្រអប់សំបុត្រទទួលមតិ សំណូមពរ សេវាអត្តសញ្ញាណកម្ម ដាក់មុខច្រកចូលសាខាការិយាល័យលិខិតឆ្លងដែនចំនួន ០៣ រួមមាន៖
-ខេត្តបាត់ដំបង នៅថ្ងៃទី២៥ ខែវិច្ឆិកា ឆ្នាំ២០១៩
-ខេត្តបន្ទាយមានជ័យ ( ប៉ោយប៉ែត ) នៅថ្ងៃទី២៦ ខែវិច្ឆិកា ឆ្នាំ២០១៩
-និងខេត្តកោះកុង នៅថ្ងៃទី២៧ ខែវិច្ឆិកា ឆ្នាំ២០១៩
ដើម្បីទទួលព័ត៌មាន មតិ និងសំណូមពរនានា ក្នុងគោលបំណងដោះស្រាយបញ្ហារបស់ប្រជាពលរដ្ឋដែលមកទទួលសេវានិងបង្កើនប្រសិទ្ធិភាព ការផ្ដល់សេវាអត្តសញ្ញាណកម្ម ប្រកបដោយតម្លាភាព និងការទទួលខុសត្រូវ៕