អគ្គនាយកដ្ឋានអត្តសញ្ញាណកម្ម៖ នៅរសៀលថ្ងៃអង្គារ ៧កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៣ ខែធ្នូ ឆ្នាំ២០១៩ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាអ្នកនាំពាក្យ នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំប្រកាសសមាសភាពក្រុមការងារប្រចាំការសេវាកម្មអត្តសញ្ញាណកម្ម (GDI eServices) និងប្រតិកម្មរហ័ស ដោយមានការចូលរួមពីលោក លោកស្រី ជាអនុប្រធាន និងមន្ត្រីសមាជិកក្រុមការងារតំណាងនាយកដ្ឋាននានា ចំណុះអគ្គនាយកដ្ឋានអត្តសញ្ញាណកម្ម។ កិច្ចប្រជុំបានពិភាក្សាបែងចែកតួនាទី ភារកិច្ចរបស់ក្រុមការងារ ដើម្បីឆ្លើយតបនូវ សំណួរ សំណូមពរប្រជាពលរដ្ឋលើការផ្តល់សេវាអត្តសញ្ញាណកម្មតាមរយៈការប្រើប្រាស់កម្មវិធីទូរស័ព្ទវៃឆ្លាត (Smart Phone)​ ឲ្យមានប្រសិទ្ធភាព និងទាន់ពេលវេលា ស្របតាមគោលការណ៍ដឹកនាំរបស់ថ្នាក់ដឹកនាំអគ្គនាយកដ្ឋានអត្តសញ្ញាណកម្ម៕