អគ្គនាយកដ្ឋានអត្តសញ្ញាណកម្ម៖ នារសៀលថ្ងៃពុធ ៩រោច ខែមាឃ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១១ ខែកុម្ភៈ ឆ្នាំ២០២៦ ឯកឧត្តម ឧត្តមសេនីយ៍ទោ ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញជួបសំណេះសំណាលជាមួយមន្ត្រីនគរបាលជាតិក្របខណ្ឌថ្មី ដើម្បីត្រៀមខ្លួនចូលរៀនវគ្គបណ្ដុះបណ្ដាលកម្រិតបឋមវិជ្ជាជីវៈនគរបាល នៅសាលាភូមិភាគ៦ ខេត្តកំពង់ឆ្នាំង។

ទន្ទឹមនឹងនេះដែរ ឯកឧត្តម ឧត្តមសេនីយ៍ទោ អគ្គនាយរង បានមានប្រសាសន៍ផ្តាំផ្ញើដល់មន្ត្រីនគរបាលជាតិក្របខណ្ឌថ្មី ត្រូវយកចិត្តទុកដាក់រៀនសូត្រ ស្តាប់តាមការបង្ហាត់បង្រៀន និងការណែនាំរបស់លោកគ្រូ ព្រមទាំងត្រូវគោរពវិន័យសាលា។

ក្នុងពិធីនេះ ក៏មានការអញ្ជើញចូលរួម លោកនាយការិយាល័យ បុគ្គលិក និងបណ្តុះបណ្តាល ចំណុះនាយកដ្ឋានរដ្ឋបាលសរុប នៃអគ្គនាយកដ្ឋានអត្តសញ្ញាណកម្ម និងលោក លោកស្រី ដែលជាមន្ត្រីនគរបាលជាតិក្របខណ្ឌថ្មីផងដែរ។