ស្នាក់ការផ្ដល់អត្តសញ្ញាណប័ណ្ណសញ្ជាតិខ្មែរ៖ សកម្មភាពប្រជាពលរដ្ឋ​អញ្ជើញមកទទួលសេវាផ្តល់-ប្តូរអត្តសញ្ញាណប័ណ្ណសញ្ជាតិខ្មែរ នៅស្នាក់ការផ្ដល់អត្តសញ្ញាណប័ណ្ណសញ្ជាតិខ្មែរ នៅផ្សារអុីនអន២ ខណ្ឌសែនសុខ រាជធានីភ្នំពេញ នៅថ្ងៃចន្ទ ១៣កើត ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៩ ខែធ្នូ ឆ្នាំ២០១៩។
១-ចំពោះការមកធ្វើអត្តសញ្ញាណប័ណ្ណសញ្ជាតិខ្មែរ គំរូថ្មី សាមីខ្លួនត្រូវភ្ជាប់មកជាមួយនូវឯកសារដូចខាងក្រោម៖
-សៀវភៅគ្រួសារ ឬសៀវភៅស្នាក់នៅ(ករណីមិនមានសៀវភៅគ្រួសារ ឬសៀវភៅស្នាក់នៅ ប្រជាពលរដ្ឋត្រូវភ្ជាប់មកជាមួយនូវលិខិតបញ្ជាក់ទីលំនៅ)
-សេចក្តីចម្លងសំបុត្រកំណើត ឬសេចក្ដីចម្លងសំបុត្របញ្ជាក់កំណើត
២-ចំពោះការមកប្តូរអត្តសញ្ញាណប័ណ្ណរបក ឬខូចបាក់ សាមីខ្លួនត្រូវភ្ជាប់មកជាមួយនូវឯកសារដូចខាងក្រោម៖
-អត្តសញ្ញាណប័ណ្ណរបក ឬខូចបាក់ ដើម្បីសុំផ្តល់អត្តសញ្ញាណប័ណ្ណសញ្ជាតិែខ្មរ ទុតិយតាឡើងវិញ
៣-ករណីបាត់អត្តសញ្ញាណប័ណ្ណសញ្ជាតិខ្មែរ សាមីខ្លួនត្រូវភ្ជាប់មកជាមួយនូវឯកសារដូចខាងក្រោម៖
-ពាក្យបណ្ដឹង
-ពាក្យសុំផ្តល់អត្តសញ្ញាណប័ណ្ណសញ្ជាតិខ្មែរ ទុតិយតា
-និងភ្ជាប់សេចក្ដីចម្លងសំបុត្របញ្ជាក់កំណើត សៀវភៅស្នាក់​ ឬសៀវភៅគ្រួសារ
សូមអរគុណ៕