ឯកឧត្ដម ឧត្ដមសេនីយ៍ឯក សាយ ម៉េងឈាង បានដឹកនាំកិច្ចប្រជុំពិនិត្យវឌ្ឍនភាពការងាររបស់ក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស

នៅរសៀលថ្ងៃអង្គារ ២រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៣១ ខែតុលា ឆ្នាំ២០២៣ ឯកឧត្ដម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារ បានដឹកនាំកិច្ចប្រជុំពិនិត្យវឌ្ឍនភាពការងាររបស់ក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស។

ដោយមានការអញ្ជើញចូលរួមពី លោកអនុប្រធាននាយដ្ឋានរដ្ឋបាល សរុប លោកនាយការិយាល័យផ្សព្វផ្សាយអប់រំ លោកនាយការិយាល័យស្រាវជ្រាវព័ត៌មាន ព្រមទាំងលោក លោកស្រីដែលជាអនុប្រធាន និងសមាជិក នៃក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័សផងដែរ។

មានប្រសាសន៍ក្នុងកិច្ចប្រជុំនេះដែរ ឯកឧត្តម ប្រធានក្រុមការងារបានសង្កត់ធ្ងន់អំពីបញ្ហាមួយចំនួនដូចជា៖ ការពង្រឹងវត្តមានមន្រ្តីប្រចាំការ ការគោរពពេលវេលាម៉ោងធ្វើការ ចៀសវាងប្រជាពលរដ្ឋទំនាក់ទំនងមិនមានការឆ្លើយតប ឬមិនមានអ្នកទទួល ការលើកកម្ពស់ក្រមសីលធម៌វិជ្ជាជីវៈដល់មន្រ្តីប្រចាំការពេលមានប្រជាពលរដ្ឋទំនាក់ទំនងមក៕