លោកជំទាវ ឧត្តមសេនីយ៍ឯក លឹម រស្មី បានអញ្ជើញចូលរួមកិច្ចប្រជុំរវាងភាគីកម្ពុជាជួបជាមួយអគ្គរាជទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា

ទីស្ដីការក្រសួងមហាផ្ទៃ៖ នៅថ្ងៃពុធ ១០រោច ខែអស្សុជ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី៨ ខែវិច្ឆិកា ឆ្នាំ២០២៣ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំរវាងភាគីកម្ពុជាជួបជាមួយអគ្គរាជទូតសហរដ្ឋអាមេរិកប្រចាំនៅព្រះរាជាណាចក្រកម្ពុជា ក្រោមអធិបតីភាព លោកជំទាវ កិត្តិបណ្ឌិត អ៊ឹង កន្ថាផាវី រដ្ឋមន្រ្តីក្រសួងកិច្ចការនារី និងជាអនុប្រធាន គ.ជ.ប.ជ.។

ក្នុងកិច្ចប្រជុំនេះ ក៏មានការអញ្ជើញចូលរួមពីសំណាក់ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្រ្តៃយ៍ នៃគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស ឯកឧត្ដម លោកជំទាវ រដ្ឋលេខាធិការ អនុរដ្ឋលេខាធិការ ឯកឧត្ដម អគ្គស្នងការរងនគរបាលជាតិ ឯកឧត្ដម លោកជំទាវ អគ្គនាយករង តំណាង អគ្គនាយកដ្ឋាននានា ចំណុះក្រសួងមហាផ្ទៃ ព្រមទាំងក្រសួង-ស្ថាប័ន ដែលពាក់ព័ន្ធ និងសហការី តំណាង ស្ថានទូតអាមេរិក ប្រចាំនៅព្រះរាជាណាចក្រកម្ពុជាផងដែរ៕