គ្គនាយកដ្ឋានអត្តសញ្ញាណកម្ម៖ នៅរសៀលថ្ងៃព្រហស្បតិ៍ ១១រោច ខែអាសាឍ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៦ ខែកក្កដា ឆ្នាំ២០២០ ឯកឧត្តម ឧត្តមសេនីយ៍ឯក សុខ ឃន អគ្គនាយករង តំណាងឯកឧត្តម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានដឹកនាំកិច្ចប្រជុំពិភាក្សាលើសំណើសុំធាតុចូល និងផ្ដល់ព័ត៌មាន ស្ដីពី ការប្រើប្រាស់ដី ប្រព័ន្ធទិន្នន័យអត្តសញ្ញាណកម្ម និងប្រព័ន្ធផ្ទុកទិន្នន័យរួមរបស់ជាតិ ដើម្បីរៀបចំការអនុវត្តគម្រោង ស្ដីពី ការកែលម្អហេដ្ឋារចនាសម្ព័ន្ធច្រវាក់តម្លៃកសិកម្ម (A VIP)។ ក្នុងកិច្ចប្រជុំនេះក៏មានការចូលរួមពី គណៈប្រតិភូតំណាងក្រសួងកសិកម្មរុក្ខាប្រមាញ់ និងនេសាទ ព្រមទាំងតំណាងមកពីនាយកដ្ឋានស្ថិតិប្រជាពលរដ្ឋ និងតំណាងមកពីនាយកដ្ឋានអត្តសញ្ញាណប័ណ្ណសញ្ជាតិខ្មែរ៕