ឯកឧត្តម ផុន លីវីរៈ ជួបពិភាក្សានិងធ្វើរបាយការណ៍សង្ខេប បញ្ហាប្រឈម និងសំណូមពរការងារអត្រានុកូលដ្ឋានខេត្ត នៅសាលាខេត្តកំពង់ស្ពឺ

ខេត្តកំពង់ស្ពឺ៖ ថ្ងៃចន្ទ ១កើត ខែកត្ដិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៣ ខែវិច្ឆិកា ឆ្នាំ២០២៣ ឯកឧត្តម ផុន លីវីរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម បានដឹកនាំមន្រ្តីជំនាញនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម អញ្ជើញជួបពិភាក្សានិងធ្វើរបាយការណ៍សង្ខេប បញ្ហាប្រឈម និងសំណូមពរ ការងារអត្រានុកូលដ្ឋានខេត្ត នៅសាលាខេត្តកំពង់ស្ពឺ។

ក្នុងពិធីនេះដែរក៏មានការអញ្ជើញចូលរួមពីសំណាក់ ឯកឧត្ដម ហន ភក្តី អភិបាលរងខេត្ត លោកនាយករងរដ្ឋបាលខេត្ត លោកនាយកទីចាត់តាំងចំណុះខេត្ត លោក លោកស្រីអភិបាលរងស្រុកទទួលបន្ទុកការងារអត្រានុកូលដ្ឋាន និងលោក លោកស្រី ប្រធាន/អនុប្រធានការិយាល័យរដ្ឋបាលស្រុកផងដែរ៕