យោងតាមអនុសាសន៍ណែនាំដ៏ខ្ពង់ខ្ពស់របស់ លោកជំទាវ កែ សួនសុភី ស សុខា នៅព្រឹកថ្ងៃអាទិត្យ ៩កើត ខែស្រាពណ៍ ឆ្នាំម្សាញ់ សប្ដស័ក ព.ស.២៥៦៩ ត្រូវនឹងថ្ងៃទី៣ ខែសីហា ឆ្នាំ២០២៥ លោកជំទាវ ថាំ វ៉ាន់នីកា តុប នេត សមាជិកាកិត្តិយស នៃគណៈកម្មាការសាខាសមាគមនារី ក្រសួងមហាផ្ទៃ អមដំណើរដោយ លោកជំទាវ ឧត្តមសេនីយ៍ឯក លឹម រស្មី អគ្គនាយករង និងជាប្រធានក្រុមការងារយេនឌ័រ អគ្គនាយកដ្ឋានអត្តសញ្ញាណកម្ម ព្រមទាំងសមាជិកាក្រុមការងារយេនឌ័រ បានអញ្ជើញចុះសួរសុខទុក្ខលោកស្រី អនុសេនីយ៍ឯក ខេង សុខកញ្ញា នាយរងការិយាល័យ នៃនាយកដ្ឋានលិខិតឆ្លងដែន ចំណុះអគ្គនាយកដ្ឋានអត្តសញ្ញាណកម្ម ដែលបានសម្រាលបានកូនស្រី នៅមន្ទីពេទ្យកាល់ម៉ែត្រ (អគារតេជោ អភិវឌ្ឍន៍) និងបាននាំយកថវិកា ដែលផ្តល់ដោយឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក មានកាដូរ កន្ត្រកផ្លែឈើ និងថវិកា ដែលជាទឹកចិត្តរបស់ឯកឧត្តម ឧត្តមសេនីយ៏ឯក បណ្ឌិត អគ្គនាយក និងលោកជំទាវ ឧត្តមសេនីយ៏ឯក អគ្គនាយករងផងដែរ។