ឯកឧត្ដម ឧត្ដមសេនីយ៍ឯក អ៊ុកចាយ បញ្ញារ៉ា អនុញ្ញាតឱ្យ តំណាងអង្គការ JICA ចូលជួបពិភាក្សាការងារ

នៅព្រឹកថ្ងៃអង្គារ ២កើត ខែកត្តិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៤ ខែវិច្ឆិកា ឆ្នាំ២០២៣ ឯកឧត្ដម ឧត្ដមសេនីយ៍ឯក អ៊ុកចាយ បញ្ញារ៉ា អគ្គនាយករង តំណាង ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជួបពិភាក្សាការងារជាមួយតំណាងអង្គការ JICA អំពីយុទ្ធសាស្រ្ត និងគោលការណ៍ ទាក់ទងនឹងអត្តសញ្ញាណប័ណ្ណសញ្ជាតិខ្មែរ រួមទាំងការអនុវត្ត ដឹកនាំដោយ Mr. FURUKAWA Masayuki ប្រធានការិយាល័យ ST&DX នាយកដ្ឋានអភិបាលកិច្ច និងកសាងសន្តិភាព ទីភ្នាក់ងារសហប្រតិបត្តិការអន្តរជាតិជប៉ុន។

ក្នុងកិច្ចពិភាក្សានេះ ក៏មានការអញ្ជើញចូលរួមពី លោកប្រធាននាយកដ្ឋានរដ្ឋបាល សរុប លោកប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ លោកប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា ព្រមទាំងលោកអនុប្រធាននាយកដ្ឋាន លោកនាយការិយាល័យ ចំណុះអគ្គនាយកដ្ឋានអត្តសញ្ញាណកម្ម និងសហការី តំណាងអង្គការ JICA ផងដែរ៕