ឯកឧត្តម ផុន លីវីរៈ អញ្ជើញចុះត្រួតពិនិត្យនិងគាំទ្រការអនុវត្តការងារអត្រានុកូលដ្ឋាន ស្រុកឱរ៉ាល់ ខេត្តកំពងស្ពឺ

ខេត្តកំពង់ស្ពឺ៖ ថ្ងៃពុធ ៣កើត ខែកត្ដិក ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១៥ ខែវិច្ឆិកា ឆ្នាំ២០២៣ ឯកឧត្តម ផុន លីវីរៈ អគ្គនាយករង និងក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញចុះត្រួតពិនិត្យ និងគាំទ្រការអនុវត្តការងារអត្រានុកូលដ្ឋាន ស្រុកឱរ៉ាល់ ខេត្តកំពងស្ពឺ។

ក្នុងពិធីចុះត្រួតពិនិត្យនេះ ក៏មានការអញ្ជើញចូលរួមពី លោកអភិបាលរងស្រុក លោកនាយករដ្ឋបាល លោកប្រធានការិយាល័យអត្រានុកូលដ្ឋាន និងស្ថិតិខេត្តកំពង់ស្ពឺ លោកប្រធានការិយាល័យរដ្ឋបាល និងហិរញ្ញវត្ថុ លោកមេឃុំ ស្មៀន និងជំនួយការឃុំ ទាំង០៥ឃុំ ចូលរួមផងដែរ៕