ខេត្តបាត់ដំបង៖ នៅថ្ងៃសុក្រ ៥កើត ខែស្រាពណ៍ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៩ ខែសីហា ឆ្នាំ២០២៤ ឯកឧត្តម ឧត្ដមសេនីយ៍ឯក មាស សុីផាន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងកម្មពិធីសំណេះសំណាល ពិនិត្យ និងព្យាបាលដោយឥតគិតថ្លៃ របស់ក្រុមគ្រូពេទ្យសប្បុរសធម៌ "ប៉ាវសូយឡាវយិនកម្ពុជា" កម្មពិធីនេះប្រព្រឹត្តទៅនៅវិទ្យាល័យអន្លង់វិល ឃុំអន្លង់វិល ស្រុកសង្កែ ខេត្តបាត់ដំបង ក្រោមអធិបតីភាពដ៏ខ្ពង់ខ្ពស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។

កម្មពិធីសំណេះសំណាលនេះ ក៏មានការអញ្ជើញចូលរួមពី ឯកឧត្ដមរដ្ឋលេខាធិការ អនុរដ្ឋលេខាធិការ ឯកឧត្ដម អគ្គនាយក អគ្គនាយករង ឯកឧត្ដម អភិបាល អភិបាលរង នៃគណៈអភិបាលខេត្ត លោកអភិបាលស្រុក/ក្រុង លោកអធិការ និងលោក លោកស្រីជាក្រុមគ្រូពេទ្យសប្បុរសធម៌ជាច្រើនទៀតផងដែរ៕