អគ្គនាយកដ្ឋានអត្តសញ្ញាណកម្ម៖ នាព្រឹកថ្ងៃអង្គារ ១៣រោច ខែមិគសិរ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៤ ខែធ្នូ ឆ្នាំ២០១៩ ឯកឧត្ដម នាយឧត្តមសេនីយ៍ កង សុខន អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមជា អធិបតីភាពក្នុងពិធីផ្សព្វផ្សាយផែនការយុទ្ធសាស្រ្តបញ្ជ្រាបយេនឌ័ររបស់អគ្គនាយកដ្ឋានអត្តសញ្ញាណកម្ម ឆ្នាំ២០២០-២០២៣។ ផែនការយុទ្ធសាស្រ្តនេះរួមមានបួនយុទ្ធសាស្រ្តដូចខាងក្រោម៖
១-បន្តកាត់បន្ថយគម្លាតយេនឌ័រក្នុងរចនាសម្ព័ន្ធអគ្គនាយកដ្ឋានអត្តសញ្ញាណកម្ម
២-អភិវឌ្ឍធនធានមនុស្ស
៣-បន្តលើកកម្ពស់សមភាពយេនឌ័រ សីលធម៌សង្គម តម្លៃស្រ្តី និងគ្រួសារខ្មែរ
៤-ពង្រឹងភាពជាដៃគូរវាងស្ថាប័នពាក់ព័ន្ធ និងដៃគូអភិវឌ្ឍ។
ក្នុងពិធីនេះផងដែរក៏មានការអញ្ជើញចូលរួមពី ឯកឧត្តម លោកជំទាវ អគ្គនាយករង លោកប្រធាននាយកដ្ឋាន លោក លោកស្រី អនុប្រធាននាយកដ្ឋាន ព្រមទាំងលោក លោកស្រីនាយ នាយរងការិយាល័យ ចំណុះអគ្គនាយកដ្ឋានអត្តសញ្ញាណកម្ម៕