ខេត្តព្រៃវែង៖ នៅថ្ងៃចន្ទ ១៤រោច ខែមាឃ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១៦ ខែកុម្ភៈ ឆ្នាំ២០២៦ ឯកឧត្ដម ឧត្តមសេនីយ៍ទោ សុខ ផារិទ្ធ អគ្គនាយករង តំណាង ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមក្នុងពិធីក្រុងពាលីបញ្ចុះបឋមសិលាសាងសង់អគារវះកាត់ និងសង្គ្រោះបន្ទាន់​ នៅមន្ទីរពេទ្យខេត្តព្រៃវែង​ និងមន្ទីរពេទ្យបង្អែកកំចាយមារ ជាអំណោយដ៏ថ្លៃថ្លារបស់ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងតំណាងរាស្រ្តនៃព្រះរាជាណាចក្រកម្ពុជា និង​លោកជំទាវ​ ញ៉ែម​ សាខន ស ខេង ក្រោមអធិបតីភាពដ៏ខ្ពងខ្ពស់ ឯកឧត្តមអភិសន្តិបណ្ឌិត ស សុខា​ ឧបនាយក​រដ្ឋមន្ត្រី​ រដ្ឋ​មន្ត្រី​ក្រសួង​មហាផ្ទៃ​ និងលោកជំទាវ កែ​ សួនសុភី ស សុខា​។

ពិធីនេះដែរ ក៏មានការអញ្ជើញចូលរួមពី​ ឯកឧត្តមរដ្ឋមន្រី្ត ឯកឧត្តម រដ្ឋលេខាធិការ​ អនុរដ្ឋលេខាធិការ ឯកឧត្តម អគ្គនាយក អគ្គលេខាធិការ ឯកឧត្តម អភិបាល នៃគណៈអភិបាលខេត្ត អគ្គនាយករង នៃអគ្គនាយកដ្ឋាន ចំណុះក្រសួងពាក់ពាក់ព័ន្ធ។