ខេត្តកណ្ដាល៖ នៅថ្ងៃព្រហស្បតិ៍ ១៤រោច ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី៣១ ខែតុលា ឆ្នាំ២០២៤ លោកជំទាវ ស្រ៊ុន ស្រីនាង អភិបាលរង នៃគណៈអភិបាលខេត្តកណ្ដាល បានអញ្ជើញបើកវគ្គបណ្តុះបណ្តាលការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម និងបិទដោយ ឯកឧត្តម ឧត្តមសេនីយ៍ឯក អុឹម ប្រណិតា អគ្គនាយករង នៃអគ្គនាយកដ្ឋានអត្តសញ្ញាណកម្ម វគ្គបណ្ដុះបណ្ដាលនេះ ប្រព្រឹត្តទៅរយៈពេល០២ថ្ងៃ គឺថ្ងៃ ៣០-៣១ ខែតុលា ឆ្នាំ២០២៤ នៅរដ្ឋបាលខេត្តកណ្ដាល។

ក្នុងវគ្គបណ្ដុះបណ្ដាលនេះ ក៏មានការអញ្ជើញចូលរួមពី ក្រុមការងារអគ្គនាយកដ្ឋានអត្តសញ្ញាណកម្ម លោក លោកស្រីអនុប្រធាននាយកដ្ឋាន តំណាងសាលាដំបូង តំណាងមន្ទីរអប់រំ តំណាងមន្ទីរសុខាភិបាល លោកនាយករងរដ្ឋបាលសាលាខេត្ត នាយករងទីចាត់ការ ទទួលបន្ទុកការងារអត្រានុកូលដ្ឋាន ប្រធាន/អនុប្រធានការិយាល័យ គ្រូឧទ្ទេស មន្រ្តីទទួលការងារអត្រានុកូលដ្ឋានក្រុង/ស្រុក មេឃុំ/ចៅសង្កាត់ ស្មៀនឃុំ/សង្កាត់ និងមន្រ្តីរាជការពាក់ព័ន្ធ សរុបចំនួន៤១១នាក់ ស្រី១៣៥នាក់។