ខេត្តសៀមរាប៖ នាព្រឹកថ្ងៃព្រហស្បតិ៍ ទី៥ ខែធ្នូ ឆ្នាំ២០២៤ ឯកឧត្តម ឧត្ដមសេនីយ៍ឯក សាយ ម៉េងឈាង អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមពិធីសិក្ខាសាលាពិគ្រោះយោបល់លើសេចក្ដីព្រាង «គោលការណ៍ណែនាំស្ដីពីការគ្រប់គ្រងហិរញ្ញវត្ថុសាធារណៈ» របស់ ក្រសួងមហាផ្ទៃ ផ្នែកសន្តិសុខសាធារណៈ ក្រោមអធិបតីភាព ឯកឧត្តម នាយឧត្ដមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារនិងហិរញ្ញវត្ថុ ក្រសួងមហាផ្ទៃ។

ពិធីសិក្ខាសាលានេះ ក៏មានការអញ្ជើញចូលរួមពី ឯកឧត្តម លោកជំទាវ អគ្គស្នងការរង អគ្គនាយករង លោក លោកស្រី ប្រធាន/អនុប្រធាននាយកដ្ឋាន លោកនាយ/នាយរងការិយាល័យ និងលោក លោកស្រីដែលពាក់ព័ន្ធជាច្រើនរូបទៀត៕