នៅព្រឹកថ្ងៃព្រហស្បតិ៍ ៤រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី១៩ ខែធ្នូ ឆ្នាំ២០២៤ ឯកឧត្តម ឧត្តមសេនីយ៍ឯក តាត និមល អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារ បានអញ្ជើញជួបជាមួយ ឯកឧត្តម ចាន់ រតនា អនុរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ និងសហការី ក្នុងកិច្ចប្រជុំពិភាក្សាឆ្លងសេចក្ដីព្រាងអនុក្រឹត្យ ស្ដីពីសមត្ថកិច្ចនៃមន្រ្តីអត្រានុកូលដ្ឋាន និងពិភាក្សាឆ្លងសេចក្ដីព្រាងប្រកាសអន្តរក្រសួង ស្ដីពីនីតិវិធីបញ្ជូនបញ្ជី និងរបាយការណ៍អត្រានុកូលដ្ឋានពីស្ថានតំណាងនៃប្រទេសកម្ពុជា ទៅមន្រ្តីអត្រានុកូលដ្ឋានថ្នាក់ជាតិ។

ក្នុងជំនួបពិភាក្សានេះ ក៏មានការអញ្ជើញចូលរួមពី ឯកឧត្តម អេង ច័ន្ទតារា អគ្គនាយករង និងជាប្រធាននាយកដ្ឋានអត្រានុកូលដ្ឋាន និងជាអនុប្រធានការងារ លោក លោកស្រីអនុប្រធាននាយកដ្ឋានអត្រានុកូលដ្ឋាន ព្រមទាំងលោកប្រធានការិយាល័យចំណុះនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម និងតំណាងអង្គការ Vital Strategies ផងដែរ៕