រាជធានីភ្នំពេញ៖ នៅព្រឹកថ្ងៃអង្គារ ១រោច ខែបុស្ស ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១៤ ខែមករា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ និង Mr. Jo Scheuer តំណាងអង្គការសហប្រជាជាតិ (UN) ប្រចាំនៅកម្ពុជា បានអញ្ជើញជាអធិបតីក្នុងកិច្ចប្រជុំបណ្តាញមន្ត្រីជំនាញអត្រានុកូលដ្ឋាន នៅតំបន់អាស៊ីអាគ្នេយ៍លើកទី២ នៅសណ្ឋាគារ Raffle Le Royal រាជធានីភ្នំពេញ។

កិច្ចប្រជុំនេះមានរយ:ពេល ៣ថ្ងៃ គិតចាប់ពីថ្ងៃទី១៤-១៦ ខែមករា ឆ្នាំ២០២៥ ដែលមានការអញ្ជើញចូលរួមពីតំណាងប្រតិភូមកពីប្រទេសនៅតំបន់អាស៊ីអាគ្នេយ៍ ១១ប្រទេស តំណាងអង្គការ Vital Strategies ព្រមទាំងតំណាងក្រសួងស្ថាប័នពាក់ព័ន្ធ ថ្នាក់ដឹកនាំអគ្គនាយកដ្ឋានអត្តសញ្ញាណកម្ម ប្រមាណ៨០រូប៕