អគ្គនាយកដ្ឋានអត្តសញ្ញាណកម្ម៖ នៅព្រឹកថ្ងៃព្រហស្បតិ៍ ៧រោច ខែមាឃ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី០៤ ខែកុម្ភៈ ឆ្នាំ២០២១ ឯកឧត្តម សុខ ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម  និងជាប្រធាន​ក្រុម​ការ​ងារ​ស្នូល (Core Team) សម្រាប់គាំទ្រដល់កម្ម​វិធីកែល​ម្អប្រព័ន្ធ​ចុះ​បញ្ជី​អត្រានុកូលដ្ឋាន ស្ថិតិអត្រានុកូលដ្ឋាន បានដឹកនាំកិច្ច​ប្រជុំ ស្តីពី វគ្គតម្រង់ទិសក្រប​ខ័ណ្ឌកែលម្អ​ប្រព័ន្ធ​ចុះបញ្ជី​អត្រានុកូល​ដ្ឋាន ស្ថិតិអត្រានុកូលដ្ឋាន។ ក្នុងកិច្ចប្រជុំនេះ មានការអញ្ចើញ​ចូល​រួមពី ឯកឧត្តម អគ្គនាយករង លោក លោកស្រី ប្រធាននាយកដ្ឋាន អនុប្រធាននាយកដ្ឋាន និងមន្ត្រីជំនាញ នៃអគ្គនាយកដ្ឋានអត្តសញ្ញាណកម្ម ព្រមទាំងតំណាងមក​ពី​វិទ្យាស្ថាន​ជាតិស្ថិតិ នៃក្រសួងផែនការ ក្រសួងសុខាភិបាល និងអ្នកសម្របសម្រួលប្រចាំប្រទេស នៃអង្គការ Vital Strategies ៕