នៅព្រឹកថ្ងៃចន្ទ ១៤រោច ខែបុស្ស ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី២៧ ខែមករា ឆ្នាំ២០២៥ ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម បានអញ្ជើញជួបជាមួយ ឯកឧត្តម ចាន់ រតនា អនុរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិ និងសហការី ក្នុងកិច្ចប្រជុំពិភាក្សាឆ្លងសេចក្ដីព្រាងអនុក្រឹត្យ ស្ដីពីសមត្ថកិច្ចនៃមន្រ្តីអត្រានុកូលដ្ឋាន។

ក្នុងជំនួបពិភាក្សានេះ ក៏មានការអញ្ជើញចូលរួមពី ឯកឧត្តម អគ្គនាយករង និងជាអនុប្រធានក្រុមការងារ លោកប្រធាននាយកដ្ឋាន អនុប្រធាននាយកដ្ឋាន នៃអគ្គនាយកដ្ឋានអត្តសញ្ញាណកម្ម និងតំណាងអង្គការ Vital Strategies ព្រមទាំងលោក លោកស្រីដែលអញ្ជើញមកពីក្រសួងការបរទេស និងសហប្រតិបត្តិការអន្តរជាតិផងដែរ៕