ខេត្តបន្ទាយមានជ័យ៖ នៅថ្ងៃចន្ទ ៦កើត ខែមាឃ ឆ្នាំរោង ឆស័ក ព.ស ២៥៦៨ ត្រូវនេងថ្ងៃទី៣ ខែកុម្ភ: ឆ្នាំ២០២៥ ឯកឧត្តម លី សុវណ្ណារិទ្ធ អភិបាលរង នៃគណៈអភិបាលខេត្តបន្ទាយមានជ័យ និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាពបើកវគ្គបណ្តុះបណ្តាលស្ដីពីការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលខេត្តបន្ទាយមានជ័យ។

ក្នុងពិធីបើកវគ្គបណ្ដុះបណ្ដាលនេះ ក៏មានការអញ្ជើញចូលរួមពី លោក លោកស្រី តំណាងមន្ទីរអប់រំ តំណាងមន្ទីរសុខាភិបាល លោកនាយករង រដ្ឋបាលសាលាខេត្ត នាយករងទីចាត់ការ លោក លោកស្រីទទួលបន្ទុកការងារអត្រានុកូលដ្ឋាន ប្រធានការិយាល័យ មន្រ្តីទទួលការងារអត្រានុកូលដ្ឋានក្រុង/ស្រុក លោកមេឃុំ ចៅសង្កាត់ ស្មៀនឃុំសង្កាត់ និងមន្រ្តីរាជការពាក់ព័ន្ធ សរុបចំនួន២៨៣នាក់ ស្រី៩៨នាក់៕