ស្រុកវាលវែង ខេត្តពោធិ៍សាត់៖ នៅថ្ងៃពុធ ៨កើត ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៥ ខែកុម្ភៈ ឆ្នាំ២០២៥ ឯកឧត្ដម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម ដឹកនាំក្រុមការងារចុះជួបពិភាក្សាជាមួយមន្ត្រីជំនាញចំណុះរដ្ឋបាលស្រុកវាលវែង ខេត្តពោធិ៍សាត់ ដើម្បីធ្វើការស្រាវជ្រាវភាពមិនប្រក្រតីលើបុគ្គលពីររូបពាក់ព័ន្ធការងារអត្តសញ្ញាណ។

ដោយមានការអញ្ជើញចូលរួមពី លោកស្នងការរងទទួលផែនការងារអត្តសញ្ញាណកម្ម ក្រុមការងារអគ្គនាយកដ្ឋានអត្តសញ្ញាណកម្ម លោកអភិបាលរង នៃគណៈអភិបាលស្រុក នាយករដ្ឋបាលស្រុក នាយការិយាល័យអត្តសញ្ញាណកម្មទាំងពីររូប អធិការ អធិការរងស្រុក នៃស្នងការដ្ឋាននគរបាលខេត្ត មេឃមេឃុំ ចៅសង្កាត់ នាយប៉ុស្តិ៍នគរបាលរដ្ឋបាល ព្រមទាំងអស់លោក លោកស្រីជាមន្ត្រីជំនាញដែលពាក់ព័ន្ធផងដែរ៕