នៅរសៀលថ្ងៃចន្ទ ១២រោច ខែមាឃ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៤ ខែកុម្ភៈ ឆ្នាំ២០២៥ ឯកឧត្តម ឧត្តមសេនីយ៍ទោ ហេង ចំរើន អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញដឹកនាំកិច្ចប្រជុំពិនិត្យលំហូរការងារ ស្តីពីការផ្តល់សេវាផ្ទៀងផ្ទាត់ ទិន្នន័យអត្តសញ្ញាណបុគ្គល បញ្ជាក់អត្តសញ្ញាណបុគ្គល និងបញ្ជាក់ អំពីភាពត្រឹមត្រូវ នៃទិន្នន័យអត្តសញ្ញាណបុគ្គល។

កិច្ចប្រជុំនេះ ក៏មានការអញ្ជើញចូលរួមពី លោក ឧត្តមសេនីយ៍ទោ ឈុន វណ្ណា ប្រធាននាយកដ្ឋានគ្រប់គ្រងប្រព័ន្ធព័ត៌មានវិទ្យា លោកអនុប្រធាននាយកដ្ឋាន ព្រមទាំងលោកនាយការិយាល័យ លោក លោកស្រីនាយរងការិយាល័យ និងមន្រ្តីពាក់ព័ន្ធផងដែរ។

បន្ទាប់ពីបានបញ្ចប់កិច្ចប្រជុំ ឯកឧត្តម អញ្ជើញត្រួតពិនិត្យទីតាំងអគារផ្តល់សេវាផ្ទៀងផ្ទាត់ ទិន្នន័យអត្តសញ្ញាណបុគ្គល បញ្ជាក់អត្តសញ្ញាណបុគ្គល និងបញ្ជាក់ អំពីភាពត្រឹមត្រូវ នៃទិន្នន័យអត្តសញ្ញាណបុគ្គលដែលកំពុងសាងសង់ និងត្រៀមដាក់ឱ្យដំណើរការក្នុងពេលឆាប់ៗខាងមុខនេះ៕