នៅព្រឹកថ្ងៃអង្គារ ១៣រោច ខែមាឃ ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី២៥ ខែកុម្ភៈ ឆ្នាំ២០២៥ ដោយទទួលបាននូវការចាត់តាំង និងអនុញ្ញាតពីឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង បានទទួលជួប លោកស្រី Sam Klitscher លេខាទី០១ នៃស្ថានទូតអូស្រ្តាលី ទទួលបន្ទុកកិច្ចការក្រសួងមហាផ្ទៃអូស្រ្តាលី និងសហការី ដើម្បីពិភាក្សាការងារ ជាមួយថ្នាក់ដឹកនាំអគ្គនាយកដ្ឋានអត្តសញ្ញាណកម្ម។

កិច្ចពិភាក្សានេះ ក៏មានការអញ្ជើញចូលរួម ឯកឧត្តម អគ្គនាយករង លោកអនុប្រធាននាយកដ្ឋាន និងមន្ត្រីពាក់ព័ន្ធចំណុះអគ្គនាយកដ្ឋានអត្តសញ្ញាណកម្មផងដែរ។