ដោយទទួលបាននូវគោលការណ៍ណែនាំ និងការអនុញ្ញាតពី ឯកឧត្តម ឧត្តមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម នាព្រឹកថ្ងៃទី២៦ ខែកុម្ភៈ ឆ្នាំ២០២៥ ឯកឧត្តម ឧត្តមសេនីយ៍ឯក សាយ ម៉េងឈាង អគ្គនាយករង និងជាប្រធានក្រុមប្រចាំការសេវាកម្មអត្តសញ្ញាណកម្ម និងប្រតិកម្មរហ័ស នៃអគ្គនាយកដ្ឋានអត្តសញ្ញាណកម្ម បានដឹកនាំក្រុមការងារ សហការជាមួយនាយកដ្ឋានលិខិតឆ្លងដែន ដឹកនាំដោយ លោកឧត្តមសេនីយ៍ទោ អ៊ុក គឹមអធិការ ប្រធាននាយកដ្ឋានលិខិតឆ្លងដែន ចុះធ្វើការត្រួតពិនិត្យការផ្តល់សេវាលិខិតឆ្លងដែន និងបើកប្រអប់សំបុត្រទទួលមតិសំណូមពរប្រជាពលរដ្ឋ នៅសាខាលិខិតឆ្លងដែន ប្រចាំខេត្តបាត់ដំបង និងសាខាលិខិតឆ្លងដែន ប្រចាំខេត្តបន្ទាយមានជ័យ ព្រមទាំងបានធ្វើការពិនិត្យជាក់ស្តែងនូវទីតាំងផ្តល់សេវា និងជួបប្រជុំជាមួយថ្នាក់ដឹកនាំ មន្ត្រីទាំងអស់ប្រចាំនៅសាខា ដើម្បីពង្រឹងប្រសិទ្ធភាពការផ្តល់សេវាលិខិតឆ្លងដែនជូនប្រជាពលរដ្ឋឱ្យបានកាន់តែល្អប្រសើរ។

នៅថ្ងៃទី២៧ ខែកុម្ភៈ ឆ្នាំ២០២៥ ក្រុមការងារក៏បានបន្តដំណើរចុះដាក់ប្រអប់សំបុត្រ និងពិនិត្យណែនាំបន្ថែមដល់ថ្នាក់ដឹកនាំ និងមន្រ្តីប្រចាំនៅទីស្នាក់ការផ្ដល់លិខិតឆ្លងដែន ខេត្តសៀមរាបផងដែរ៕