ខេត្តកំពង់ចាម៖ ៖ នៅថ្ងៃសុក្រ ៩កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី៧ ខែមីនា ឆ្នាំ២០២៥ ជំនាញការិយាល័យអត្តសញ្ញាណប័ណ្ណសញ្ជាតិខ្មែរ នៃស្នងការដ្ឋាននគរបាលខេត្តកំពង់ចាម ដឹកនាំកម្លាំងជំនាញចុះបំពេញបែបបទផ្តល់និងបន្តសុពលភាព អត្តសញ្ញាណប័ណ្ណសញ្ជាតិខ្មែរ ជូនដល់លោកគ្រូ អ្នកគ្រូ និងសិស្សានុសិស្សអាយុគ្រប់១៥ឆ្នាំឡើង នៅវិទ្យាល័យ ហ៊ុន សែន អារក្សត្នោត ស្ថិតក្នុងឃុំអារក្សត្នោត ស្រុកស្ទឹងត្រង់ ខេត្តកំពង់ចាម។