នៅរសៀលថ្ងៃពុធ ១៤កើត ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១២ ខែមីនា ឆ្នាំ២០២៥ ឯកឧត្តម ឧត្តមសេនីយ៍ឯក អ៊ុកចាយ បញ្ញារ៉ា អគ្គនាយករង នៃអគ្គនាយកដ្ឋានអត្តសញ្ញាណកម្ម និងជាប្រធានក្រុមការងារ បានអញ្ជើញដឹកនាំកិច្ចប្រជុំការងារត្រួតពិនិត្យវឌ្ឍនភាពក្រុមការងារតាមដាន ត្រួតពិនិត្យ និងវាយតម្លៃ ដែលមាននៅក្នុងសេចក្ដីសម្រេច ស្ដីពីការបង្កើតក្រុមការងារអនុវត្តផែនការយុទ្ធសាស្រ្តជាតិស្ដីពីអត្តសញ្ញាណកម្ម ២០១៧-២០២៦ និងរៀបចំផែនការយុទ្ធសាស្រ្តជាតិស្ដីពីអត្តសញ្ញាណកម្ម ដំណាក់កាលទី២។

កិច្ចប្រជុំត្រួតពិនិត្យវឌ្ឍនភាពនេះបានពិភាក្សារួមមាន៖

- ពិភាក្សាអំពីតួនាទីភារកិច្ច និងការទទួលខុសត្រូវរបស់ក្រុមការងារ

- រៀបចំទម្រង់របាយការណ៍ប្រចាំខែ ត្រីមាស ឆមាស នព្វមាស និងប្រចាំឆ្នាំ

- ការរៀបចំផែនការសកម្មភាពក្រុមការងារ

- ពិភាក្សាលម្អិតទៅលើការបណ្ដុះបណ្ដាលលើការងារត្រួតពិនិត្យ តាមដាន វាយតម្លៃ

- ផ្សេងៗ។

ក្នុងនេះដែល ក៏មានការអញ្ជើញចូលរួមពីសំណាក់ ឯកឧត្តម អគ្គនាយករង លោក លោកស្រីអនុប្រធាននាយកដ្ឋាន លោក នាយ/ប្រធានការិយាល័យ និងក្រុមការងារជំនាញចំណុះនាយកដ្ឋានពាក់ព័ន្ធ នៃអគ្គនាយកដ្ឋានអត្តសញ្ញាណកម្មផងដែរ៕