ខេត្តប៉ៃលិន ៖ នៅថ្ងៃព្រហស្បតិ៍ ៧រោច ខែផល្គុន ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី២០ ខែមីនា ឆ្នាំ២០២៥ ឯកឧត្ដម ផុន លីវិរៈ អគ្គនាយករង នៃអគ្គនាយកដ្ឋានអត្តសញ្ញាណកម្ម ដឹកនាំក្រុមការងារចុះជួបពិភាក្សាជាមួយមន្ត្រីជំនាញចំណុះរដ្ឋបាល ខេត្តប៉ៃលិន ដើម្បីធ្វើការស្រាវជ្រាវភាពមិនប្រក្រតីលើបុគ្គលពីររូបពាក់ព័ន្ធការងារអត្តសញ្ញាណ។

ដោយមានការអញ្ជើញចូលរួមពី ឯកឧត្តមអភិបាលរង នៃគណៈអភិបាលខេត្ត ក្រុមការងារអគ្គនាយកដ្ឋានអត្តសញ្ញាណកម្ម នាយករងរដ្ឋបាលសាលាខេត្ត ស្នងការរង នៃស្នងការដ្ឋាននគរបាលខេត្ត អភិបាលរង នៃគណៈអភិបាលស្រុកសាលាក្រៅ មេឃមេឃុំ ស្មៀនឃុំ ព្រមទាំងអស់លោក លោកស្រីជាមន្ត្រីជំនាញដែលពាក់ព័ន្ធផងដែរ៕