ខេត្តពោធិ៍សាត់៖ នាថ្ងៃចន្ទ ៤កេីត ខែចេត្រ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី៣១ ខែមីនា ឆ្នាំ២០២៥ លោក ហៀម ឃួន អភិបាលរង នៃគណៈអភិបាលខេត្តពោធិ៍សាត់ និងលោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជើញជាអធិបតីភាព ក្នុងពិធីបើកវគ្គបណ្តុះបណ្តាល តម្រង់ទិសលើការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលខេត្តពោធិ៍សាត់។

ក្នុងពិធីបើកវគ្គនេះ ក៏មានការអញ្ជើញចូលរួមពី ក្រុមប្រឹក្សាខេត្ត តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោកនាយក នាយករងរដ្ឋបាលសាលាខេត្ត នាយករងទីចាត់ការ ប្រធានការិយាល័យស្ថិតិ និងអត្រានុកូលដ្ឋានខេត្ត លោក អភិបាល/អភិបាលរងក្រុង/ស្រុក មន្រ្តីទទួលការងារអត្រានុកូលដ្ឋានក្រុង/ស្រុក អធិការនគរបាលក្រុង/ស្រុក ប្រធានការិយាល័យរដ្ឋបាលនិងហរិញ្ញវត្ថុក្រុង/ស្រុក ប្រធានមណ្ឌលសុខភាព មេឃុំចៅ/សង្កាត់ ស្មៀនឃុំ/សង្កាត់ និងជំនួយការរដ្ឋបាលឃុំ/សង្កាត់ សរុបចំនួន៤១១នាក់ ស្រី១៤០នាក់៕