ខេត្តស្ទឹងត្រែង៖ ថ្ងៃសុក្រ ១២រោច ខែពិសាខ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២៣ ខែឧសភា ឆ្នាំ២០២៥ អគ្គនាយកដ្ឋានអត្តសញ្ញាណកម្ម បានសហការជាមួយអង្គការ Vital strategies អង្គការRain Barrel Lab អង្គការPlan International និងរដ្ឋបាលខេត្តស្ទឹងត្រែង បានរៀបចំវេទិការអប់រំផ្សព្វផ្សាយស្តីពី “ការចុះបញ្ជីអត្រានុកូលដ្ឋាន” ស្របតាមលិខិតបទដ្ឋានគតិយុត្តថ្មី និងស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលឃុំកោះព្រះ និងរដ្ឋបាលឃុំសៀមបូក ស្រុកសៀមបូក ខេត្តស្ទឹងត្រែង។

វេទិការផ្សព្វផ្សាយនេះ ដឹកនាំដោយក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម សហការជាមួយតំណាងអង្គការPlan International ដោយមានសមាសភាពចូលរួមពីប្រធានការិយាល័យស្ថិតិ និងអត្រានុកូលដ្ឋានខេត្ត ប្រធានការិយាល័យរដ្ឋបាល និងហិរញ្ញវត្ថុស្រុក មេឃុំ ស្មៀននិងជំនួយការរដ្ឋបាលឃុំ តំណាងមណ្ឌលសុខភាព មេភូមិ ឪពុកម្តាយ និងអាណាព្យាបាល សរុបចំនួន៩៦នាក់ ស្រី៥៤នាក់។

ក្រុមការងារជំនាញ បានចុះបញ្ជីកំណើតរស់ជូនកុមារដែលពុំទាន់បានចុះបញ្ជីចំនួន០១នាក់ និងធ្វើការណែនាំដល់ប្រជាពលរដ្ឋ ជួយផ្សព្វផ្សាយបន្តដល់សមាជិកគ្រួសារ ព្រមទាំងបងប្អូនជិតខាង ឱ្យមកចុះបញ្ជីកំណើតគ្រប់ៗគ្នាទាន់ពេលវេលា តាមច្បាប់កំណត់ផងដែរ។

ការចុះបញ្ជីអត្រានុកូលដ្ឋាន គឺមានសារសំខាន់ខ្លាំងណាស់សម្រាប់ប្រជាពលរដ្ឋ ដែលធ្វើឱ្យប្រជាពលរដ្ឋមានអត្តសញ្ញាណច្បាស់លាស់ និងមានសិទ្ធិស្របច្បាប់។

សូមយកកូន ទៅចុះបញ្ជីកំណើតនៅសាលាឃុំ សង្កាត់ ឱ្យទាន់ក្នុងរយៈពេល៣០ថ្ងៃ បន្ទាប់ពីទារកបានកើត៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915