ខេត្តរតនគិរី៖ នៅថ្ងៃចន្ទ ១៤កើត ខែជេសដ្ឋ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី៩ ខែមិថុនា ឆ្នាំ២០២៥ ក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានសហការជាមួយរដ្ឋបាលស្រុកអណ្តូងមាស បើក កិច្ចប្រជុំឆ្លុះបញ្ចាំងស្តីពី “ការអនុវត្តការងារចុះបញ្ជីអត្រានុកូលដ្ឋាន” និងលិខិតបទដ្ឋានគតិយុត្តថ្មី ស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ស្ថិតនៅស្រុកអណ្តូងមាស ខេត្តរតនគិរី។

ពិធីនេះ ក៏មានការអញ្ជើញចូលរួមពីក្រុមការងារ នាយកដ្ឋានអត្រានុកូលដ្ឋាន លោកប្រធានការិយាល័យស្ថិតិ និងអត្រានុកូលដ្ឋានខេត្តរតនគិរី អភិបាលរងស្រុកអណ្តូងមាស អធិការរងស្រុកអណ្តូងមាស អនុប្រធានការិយាល័យរដ្ឋបាល និងហិរញ្ញវត្ថុស្រុកអណ្តូងមាស ស្មៀន និជំនួយការរដ្ឋបាលឃុំញ៉ាង និងឃុំតាឡាវ សរុប១៨នាក់ ក្នុងនោះស្រី៦នាក់។

ការចុះបញ្ជីអត្រានុកូលដ្ឋាន គឺមានសារសំខាន់ខ្លាំងណាស់សម្រាប់ប្រជាពលរដ្ឋ ដែលធ្វើឱ្យប្រជាពលរដ្ឋមានអត្តសញ្ញាណច្បាស់លាស់ និងមានសិទ្ធិស្របច្បាប់។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915