ខេត្តរតនគិរី៖ នៅថ្ងៃអង្គារ ១៥កើត ខែជេសដ្ឋ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី១០ ខែមិថុនា ឆ្នាំ២០២៥ អគ្គនាយកដ្ឋានអត្តសញ្ញាណកម្ម បានសហការជាមួយអង្គការ Vital strategies អង្គការRain Barrel Lab អង្គការPlan International បើកកិច្ចប្រជុំឆ្លុះបញ្ចាំងស្តីពី “ការអនុវត្តការងារចុះបញ្ជីអត្រានុកូលដ្ឋាន” និងលិខិតបទដ្ឋានគតិយុត្តថ្មី ស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលស្រុកអូរជុំ ខេត្តរតនគិរី។

ពិធីនេះ ក៏មានការអញ្ជើញចូលរួមពីក្រុមការងារនាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម លោកប្រធានការិយាល័យស្ថិតិ និងអត្រានុកូលដ្ឋានខេត្តរតនគិរី អភិបាលរងស្រុកអូរជុំ អធិការរងស្រុកអូរជុំ ប្រធានការិយាល័យរដ្ឋបាល និងហិរញ្ញវត្ថុស្រុកអូរជុំ មេឃុំ ស្មៀន និងជំនួយការរដ្ឋបាលឃុំអូរជុំ ឃុំល្អក់ ឃុំសាមគ្គី និងឃុំប៉ូយ សរុប២២នាក់ ក្នុងនោះស្រី៥នាក់។

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915