ខេត្តត្បូងឃ្មុំ៖ នៅថ្ងៃអង្គារ ១៣កេីត ខែអាសាឍ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី៨ ខែកក្កដា ឆ្នាំ២០២៥ លោក យឹម សំអុល អនុប្រធាននាយកដ្ឋានអត្រានុកូលដ្ឋាន នៃអគ្គនាយកដ្ឋានអត្តសញ្ញាណកម្ម បានអញ្ជេីញចូលរួមពិធីបើកវគ្គបណ្តុះបណ្តាលតម្រង់ទិសលើការអនុវត្តការងារអត្រានុកូលដ្ឋានស្របតាមច្បាប់ស្តីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម នៅរដ្ឋបាលខេត្តត្បូងឃ្មុំ ក្រោមអធិបតីភាព លោក ម៉ៅ ឌុង អភិបាលរង នៃគណៈអភិបាលខេត្តត្បូងឃ្មុំ។

ក្នុងពិធីនេះក៏មានការអញ្ជើញចូលរួមពី តំណាងសាលាដំបូងខេត្ត តំណាងមន្ទីរអប់រំ យុវជននិងកីឡា តំណាងមន្ទីរសុខាភិបាល លោកនាយក នាយករងរដ្ឋបាលសាលាខេត្ត នាយករងទីចាត់ការ ប្រធានការិយាល័យស្ថិតិនិងអត្រានុកូលដ្ឋានខេត្ត លោក លោកស្រីអភិបាល អភិបាលរង ក្រុង ស្រុក មន្រ្តីទទួលការងារអត្រានុកូលដ្ឋានក្រុង ស្រុក អធិការនគរបាលក្រុង ស្រុក ប្រធានការិយាល័យរដ្ឋបាល និងហិរញ្ញវត្ថុក្រុង ស្រុក មេឃុំចៅ សង្កាត់ ស្មៀនឃុំ សង្កាត់ និងជំនួយការរដ្ឋបាលឃុំ សង្កាត់សរុបចំនួន២៤៤នាក់៕

ឆាណែលTelegram អគ្គនាយកដ្ឋានអត្តសញ្ញាណកម្ម

-Join Telegram https://t.me/GDI_service_news

-Website https://news.gdi.gov.kh

-ដើម្បីសាកសួរព័ត៌មាន រៀងរាល់ម៉ោងធ្វើការ ដោយឥតគិតថ្លៃ1271 ឬ017 898 915