ទីស្ដីការក្រសួងមហាផ្ទៃ៖ នៅរសៀលថ្ងៃសុក្រ ១៥រោច ខែអាសាឍ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី២៥ ខែកក្កដា ឆ្នាំ២០២៥ លោកជំទាវ ឧត្តមសេនីយ៍ឯក លឹម រស្មី អគ្គនាយករង នៃអគ្គនាយកដ្ឋានអត្តសញ្ញាណកម្ម បានអញ្ជើញចូលរួមកិច្ចប្រជុំសំណេះសំណាល​ និងបែងចែកតួនាទីភារកិច្ច​ សមាសភាព​ ផ្នែកការងាររដ្ឋបាលនិងទំនាក់ទំនងសង្គម​ នៃលេខាធិការដ្ឋាន​ គណៈកម្មការសាខាសមាគមនារីក្រសួងមហាផ្ទៃ ក្រោមអធិបតីភាព លោកជំទាវ ជួញ​ សុឆៃ​ អនុប្រធានអចិន្រ្តៃយ៍​ និងជាប្រធានលេខាធិការដ្ឋាន​ នៃគណៈកម្មការសាខា​ សមាគមនារីក្រសួងមហាផ្ទៃ។

កិច្ចប្រជុំនេះ ក៏មានការអញ្ជើញចូលរួមពី លោកជំទាវ អនុរដ្ឋលេខាធិការ លោកស្រី អគ្គនាយករង លោក លោកស្រី អនុប្រធាន និងសមាជិក សមាជិកា ផ្នែកការងាររដ្ឋបាល និងទំនាក់ទំនងសង្គម នៃលេខាធិការដ្ឋានគណៈកម្មការសាខាសមាគមនារីក្រសួងមហាផ្ទៃជាច្រេីនរូបទៀត។